សមត្ថកិច្ចខេត្តសៀមរាប ធ្វើពិធីកិនកម្ទេចឧបករណ៍បំពាក់ខុសច្បាប់ពីមធ្យោបាយធ្វើដំណើរ

លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប​ បាន​លើកឡើងថា ដើម្បីអនុវត្តច្បាប់​ស្ដីពីចរាចរណ៍ សមត្ថកិច្ច​បាន​ដកហូត​និងបំបាត់​ការបំពាក់​ឧបករណ៍​ខុសច្បាប់​ដែលបង្ករំខាន​ដល់សាធារណៈ និងមានគ្រោះថ្នាក់។

ជាលទ្ធផល ក្នុងរយៈពេល១ឆ្នាំកន្លងមក ស្នងការបានអនុវត្តវិធានការតឹងរឹង ដោយអធិការក្រុង-ស្រុក និងកម្លាំងជំនាញ ត្រួតពិនិត្យ និងដកហូតឧបករណ៍ខុសច្បាប់ ព្រមទាំងរៀប​ចំពិ​ធីកម្ទេច​ចោលជាផ្លូវការនៅពេលនេះ ដែលពិធី​កម្ទេចចោលនេះផងដែរ​ក៏មានការចូលរួម ដ៏ខ្ពង់ខ្ពស់​ពី​ឯកឧត្តម សំកុល សុចិត្រា អភិបាលរងខេត្ត តំណាងដ៏ខ្ពង់ខ្ពស់របស់ ឯកឧត្តម ប្រាក់ សោភ័ណ អភិបាល នៃគណៈអភិបាល​ខេត្តសៀមរាប ។

ផ្អែកតាមរបាយការណ៍របស់សមត្ថកិច្ច​បានឲ្យដឹងថា ឧបករណ៍បំពាក់ខុសច្បាប់​ពីមធ្យោបាយ​ធ្វើដំណើរ​ ដែលបាន​ធ្វើការកិនកម្ទេចចូល​រួមមាន៖

⁃បំពងសុីមាំងចំនួន ៣០០
⁃ភ្លើងរថយន្តចំនួន ២៥
⁃ចង្កៀងមុខ-ក្រោយ ចំនួន ០៩
⁃ភ្លើងមូលចំនួន ១២
⁃អំពូលភ្លើងចំនួន ១០៣