លោក លាង រឿនសុធី អភិបាលក្រុងបូកគោ ក្នុងថ្ងៃឈប់សំរាក បានអញ្ជើញចុះជួបសំណេះសំណាល សួរសុខទុក្ខ និងពិនិត្យទីតាំងសហគមន៍ទេសចរណ៍ចង្ហោន ស្ថិតក្នុងសង្កាត់ព្រែកត្នោត ក្រុងបូកគោ

 

ខេត្តកំពត÷នាព្រឹកថ្ងៃទី១៦ ខែឧសភា ឆ្នាំ២០២៦ លោក លាង រឿនសុធី អភិបាល នៃគណៈអភិបាលក្រុងបូកគោ ក្នុងថ្ងៃឈប់សំរាក បានដឹកនាំលោក លោកស្រី អភិបាលរងក្រុង នាយក នាយករដ្ឋបាលក្រុង និងមន្ត្រីក្រោមឱវាទ អញ្ជើញចុះសំណេះសំណាល សួរសុខទុក្ខ និងពិនិត្យទីតាំងសហគមន៍ទេសចរណ៍ចង្ហោន ស្ថិតក្នុងសង្កាត់ព្រែកត្នោត ក្រុងបូកគោ ខេត្តកំពត ក្នុងឱកាសនេះដែរលោកអភិបាលក្រុងបានផ្សព្វផ្សាយណែនាំដល់គណៈកម្មការសហគមន៍អោយយកចិត្តទុកដាក់ខ្ពស់ចំពោះការងារអនាម័យ បរិស្ថាន ជាពិសេសការគ្រប់គ្រងសំរាមសំណង់រឹង និងធានាឱ្យបាននូវការយកចិត្តទុកដាក់ចំពោះគុណភាព សេវាកម្ម និងតម្លៃ ក្នុងគោលបំណងឱ្យភ្ញៀវទេសចរណ៍ទទួលនូវគុណភាព និងសេវាកម្ម ប្រកបដោយកម្រិតខ្ពស់ និងដើម្បីទាក់ទាញភ្ញៀវទេសចរណ៍ជាតិ និងអន្តរជាតិអោយមកកំសាន្តក្នុងសហគមន៍ទេសចរណ៍កាន់តែច្រើនឡើង។